Хойд Хятадын Хэбэй мужийн нэгэн хотод эмнэлгийн төвлөрсөн ажиглалтын зориулалттай 1500 өрөө бүхий эхний ээлжийн барилгын ажил тав хоногийн дотор дууссан гэж орон нутгийн эрх баригчид бямба гарагт мэдэгдэв.

Үйлдвэрийн газрыг ашиглаж буй тус төв нь Нангонг хотын зургаан байршилд яаралтай барихаар төлөвлөж буй нийт 6500 өрөө бүхий түр зуурын байгууламжуудын нэг бөгөөд COVID-19-ийн тархалтыг бууруулах зорилготой юм.

18 ам метр талбайтай өрөө бүр ор, цахилгаан халаагуур, бие засах газар, угаалтуур зэргээр тоноглогдсон.Мөн WiFi нэвтрэх боломжтой.

Тус хотод COVID-19-ийн тохиолдол бүртгэгдсэний дараа 1-р сарын 10-нд төслийн барилгын ажил эхэлсэн бөгөөд бусад өрөөнүүд долоо хоногийн дотор бэлэн болно гэж орон нутгийн сурталчилгааны хэлтсээс мэдээллээ.

Нийт 3000 өрөөтэй ижил төстэй төвийг мужийн нийслэл Шижиажуан хотод барьж байна.

Эх сурвалж: Синьхуа